Lögreglan á Suðurnesjum lýsir eftir Sindra Þór Stefánssyni en hann strauk frá fangelsinu að Sogni nú í nótt.
Sindri hefur sætt gæsluvarðhaldi frá 2. febrúar síðastliðnum vegna rannsóknar lögreglunnar á umfangsmiklum þjófnaði á tölvubúnaði.
Sindri er íþróttamannslega vaxinn með skolleitt hár, skegghýjung og 192 cm á hæð. Samkvæmt fyrirliggjandi upplýsingum strauk Sindri frá Sogni kl. 1:00 en strokið uppgötvaðist í morgun.
Allir þeir sem geta veitt upplýsingar um ferðir Sindra frá því kl. 01:00 í nótt er beðnir um að koma þeim upplýsingum á framfæri við lögregluna.
UPPFÆRT KL. 15:42: Sindri Þór Stefánsson, sem strauk úr gæsluvarðhaldi í fangelsinu að Sogni í nótt, fór úr landi á fölsuðum skilríkjum í morgun. Þetta staðfestir Ólafur Helgi Kjartansson, lögreglustjóri á Suðurnesjum, í samtali við fréttastofu RÚV.