Fagverk verktakar í Mosfellsbæ áttu lægsta tilboðið í endurbyggingu á hluta Þrengslavegar en verkið var boðið út í janúar síðastliðnum.
Tilboð Fagverks verkaka hljóðaði upp á 312,9 milljónir króna og var 3% undir áætluðum verktakakostnaði Vegagerðarinnar, sem er 321,5 milljónir króna.
Þrír aðrir verktakar buðu í verkið. Óskatak ehf átti litlu hærra tilboð; 315,3 milljónir króna, Malbikunarstöðin Höfði bauð 349,2 milljónir og Loftorka Reykjavík 363 milljónir króna.
Um er að ræða endurmótun, lítilsháttar breikkun, styrkingu og malbikun á 5,4 km kafla á Þrengslavegi, frá afleggjaranum að Lambafellsnámu að afleggjara að Litla-Sandfelli.
Verkinu á að vera lokið þann 1. september næstkomandi.