Eva Björk gefur kost á sér

Eva Björk Harðardóttir, oddviti Skaftárhrepps, sækist eftir 2. til 3. sæti á lista Sjálfstæðisflokksins í Suðurkjördæmi til næstu Alþingiskosninga.

Þetta kemur fram í tilkynningu sem Eva Björk sendi frá sér í morgun.

Eva Björk rekur Hótel Laka ásamt fjölskyldu sinni, er kennaramenntuð og með framhaldsmenntun í opinberri stjórnsýslu.

Hún hefur sinnt formennsku fyrir Samtök sunnlenskra sveitarfélaga ásamt hinum ýmsu trúnaðarstörfum fyrir Sjálfstæðisflokkinn og sveitarfélögin á Suðurlandi.