Verslun Europris á Selfossi verður lokað ásamt hinum þremur verslunum keðjunnar hérlendis en Europris hefur ákveðið að hætta smásöluverslun á Íslandi.
Þetta kemur fram í auglýsingu í Morgunblaðinu í dag en þar segir ennfremur að Europris, sem er norsk verslunarkeðja, ætli að kveðja viðskiptavini sína með veglegri rýmingarsölu frá og með deginum í dag.
„Við þökkum afburðagóðu starfsfólki okkar, viðskiptavinum, samstarfsfólki og birgjum ánægjuleg samskipti síðasta áratug,“ segir í auglýsingunni sem undirrituð er af Matthíasi Sigurðssyni, framkvæmdastjóra Europris á Íslandi.