Erlendur karlmaður á þrítugsaldri lést í Landmannalaugum snemma í morgun eftir að hafa veikst skyndilega.
Þyrla Landhelgisgæslunnar var send á staðinn ásamt lögreglu- og sjúkrabíl frá Hvolsvelli en hálendisgæsla Landsbjargar var fyrir á svæðinu.
Útkallið barst kl. 3:45 en þrátt fyrir ítrekaðar lífgunartilraunir tókst ekki að bjarga manninum.
Hann var á ferðalagi um landið ásamt þremur vinum sínum sem hefur nú verið boðin áfallahjálp.