Síðastliðinn sólarhringur hefur verið nokkuð erilsamur hjá björgunarsveitum á Suðurlandi.
Í gær var óskað eftir aðstoð vegna bíls sem var fastur í Krossá og annað útkall barst vegna göngufólks sem var í vandræðum á Suðurlandi.
Í morgun var svo óskað eftir aðstoð björgunarsveita á Suðurlandi vegna mótorhjólaslyss og héldu björgunarsveitir á staðinn ásamt öðrum viðbragðsaðilum og var hinn slasaði fluttur á sjúkrahús með sjúkrabíl.
Einnig er mannskapur við gæslu við eldgosið í Geldingadölum.
Þetta kemur fram í tilkynningu frá Landsbjörgu.