Enn er unnið á óvissustigi vegna aukins vantsrennslis í Múlakvísl og Jökulsá á Sólheimasandi. Mælingar síðasta sólarhring hafa sýnt að vatnshæð og rafleiðni fara frekar minnkandi.
Sérfræðingar á vegum Veðurstofunnar eru að setja upp mælitæki til gasmælinga við upptök Jökulsár á Sólheimasandi.
Almannavarnadeild ríkislögreglustjóra og lögreglan á Hvolsvelli mælast áfram til þess við ferðaþjónustuaðila og ferðamenn að þeir fari ekki að jökulsporði Sólheimajökuls á meðan óvissustig er í gildi vegna flóðahættu og hættu sem getur stafað af eitruðum gastegundum.
Ferðaþjónustuaðilar eru sérstaklega hvattir til þess að upplýsa viðskiptavini sína um ástand mála.