Slökkviliðsmenn á Selfossi eru enn að fara í útköll vegna gróðurelda eftir virkilega annasöm áramót.
Klukkan 00:15 í nótt var útkall vegna elds í sinu við Sogið, nálægt Grímsborgum, og þar brunnu um það bil 100 fermetrar.
Í dag var slökkviliðið svo kallað út þegar kviknað hafði í trjágróðri fyrir aftan KFC, við Austurveg á Selfossi.
Í báðum tilvikum er talið líklegt að skoteldar hafi valdið eldunum.