Endurmeta breikkun Suðurlandsvegar

Vegagerðin er að endurmeta áform um tvöföldun Suðurlandsvegar á milli Hveragerðis og Selfoss. Til greina kemur að draga úr kostnaði með því að hafa veginn þrjár akreinar, með svokallaðri 2 + 1 útfærslu, í stað fjögurra akreina.

Unnið er að deiliskipulagningu verslunarhverfis við gatnamót Biskupstungnabrautar og Suðurlandsvegar. Vegagerðin hefur óskað eftir því við Sveitarfélagið Árborg að þeirri vinnu verði frestað fram eftir ári þar til framkvæmdaáform Vegagerðarinnar hafi skýrst.

mbl.is greindi frá þessu