Á ársfundi Heilbrigðisstofnunar Suðurlands í lok maí afhenti Lionsklúbburinn Embla á Selfossi bráðamóttöku og bráðalyflækningadeild Heilbrigðisstofnunar Suðurlands gjafabréf að upphæð rúmlega 1 milljón króna fyrir blöðruskanna.
Kolbrún Gunnarsdóttir, deildarstjóri, veitti gjöfinni móttöku, þakkaði fyrir og fór nokkrum orðum um tilgang tækisins og starf bráðamóttökunnar og bráðalyflækninga HSU.
Blöðruskanni er handhægt ómskoðunartæki sem mælir magn þvags í þvagblöðru. Með tækinu er hægt er að kanna hvort blaðran tæmist eðlilega eða greina þvagteppu svo hægt sé að meta hvort þurfi að setja upp þvaglegg.
„Með þessum atburði enduðum við félagar í Lionsklúbbnum Emblu sérlega skemmtilegt og gefandi starfsár, þar sem sex öflugar konur gengu í klúbbinn okkar. Við hlökkum til að starfa með þeim á komandi árum. Starfsemi Emblanna er öflug og allur ágóði af fjáröflunum okkar rennur til góðra mála í heimabyggð,“ sagði Guðmunda Auðunsdóttir, blaðafulltrúi Emblanna, í samtali við sunnlenska.is.
