Embla Dís og Vigdís Katla kveiktu á jólaljósunum

Embla Dís Sigurðardóttir (t.v.) og Vigdís Katla Guðjónsdóttir kveiktu jólaljósin í Árborg. sunnlenska.is/Jóhanna SH

Í dag klukkan 18 var formlega kveikt á jólaljósunum í Sveitarfélaginu Árborg, á tröppum bókasafnsins á Selfossi.

Það voru afmælisbörnin Embla Dís Sigurðardóttir og Vigdís Katla Guðjónsdóttir, sem eru 6 ára í dag, sem kveiktu ljósin ásamt starfsmönnum sveitarfélagsins.

Gísli H. Halldórsson, bæjarstjóri, opnaði dagskrána og taldi niður í jólaljósin ásamt Barnakór Selfosskirkju sem söng einnig nokkur lög. Einnig stigu Karítas Harpa og Alexander Freyr á stokk og sungu jólalög og skátar úr Fossbúum buðu upp á heitt kakó.

í kvöld er jólaljósastund í mörgum verslunum á Selfossi með lengri opnunartíma.

Fjöldi fólks mætti á tröppur bókasafnsins til þess að upplifa stemninguna. sunnlenska.is/Jóhanna SH
Barnakór Selfosskirkju söng nokkur lög. sunnlenska.is/Jóhanna SH