Elsti Árborgarinn 100 ára

Elsti íbúi í Sveitarfélaginu Árborg, Anna Margrét Franklínsdóttir, Fossheiði 60 á Selfossi fagnaði 100 ára afmæli sínu þann 15. júní sl.

Af því tilefni heimsótti Ari B. Thorarensen, forseti bæjarstjórnar, afmælisbarnið og færði henni blómvönd í tilefni af tímamótunum. Þetta var fyrsta embættisverk Ara í nýja embættinu.

Anna Margrét, sem býr ein er mjög ern og hugsar alveg um sig sjálf. Hún prjónar mikið og bakar pönnukökur reglulega fyrir sig og sína.