Ellefu manns hafa boðið sig fram í flokksvali Samfylkingarinnar í Suðurkjördæmi um fjögur efstu sæti á framboðslista flokksins við næstu Alþingiskosningar.
Þrír frambjóðendur sækjast eftir fyrsta sætinu; Björgvin G. Sigurðsson, alþingismaður á Selfossi, Oddný G. Harðardóttir, þingflokksformaður í Garði og Bryndís Sigurðardóttir, framkvæmdastjóri Hveragerði, sem sækist eftir 1.-4. sæti.
Guðrún Erlingsdóttir, heilsumeistaranemi í Vestmannaeyjum og Ólafur Þór Ólafsson, framkvæmdastjóri og bæjarfulltrúi í Sandgerði sækjast eftir í 2.-3. sæti og Árni Rúnar Þorvaldsson, kennari og bæjarfulltrúi Höfn, 2.-4. sæti.
Arna Ír Gunnarsdóttir, félagsráðgjafi og bæjarfulltrúi á Selfossi, Bergvin Oddsson, háskólanemi í Grindavík, Hannes Friðriksson, vinnueftirlitsmaður í Reykjanesbæ og Soffía Sigurðardóttir, húsfreyja á Selfossi, gefa kost á sér í 3. sæti og Kristín Erna Arnarsdóttir, verkefnisstjóri og háskólanemi í Reykjavík, gefur kost á sér í 3.-4. sæti,
Flokksmenn Samfylkingarinnar í Suðurkjördæmi velja á listann ásamt stuðningsmönnum 16. og 17. nóvember. Hægt er að skrá sig í flokkinn eða sem stuðningsmann á vefsíðu Samfylkingarinnar www.samfylking.is, undir „Taktu þátt“.