Ellefu í framboði hjá Sjálfstæðisflokknum

Ellefu framboð bárust í prófkjöri Sjálfstæðisflokksins í Suðurkjördæmi. Þrír gefa kost á sér í fyrsta sætið, en prófkjörið fer fram þann 10. september næstkomandi.

Ragnheiður Elín Árnadóttir, iðnaðar- og viðskiptaráðherra, sæk­ist áfram eft­ir fyrsta sæt­inu. Ásmund­ur Friðriks­son, þingmaður Sjálf­stæðis­flokks­ins, gefur kost á sér í fyrsta sætið og það sama gerir Páll Magnús­son, fyrr­ver­andi út­varps­stjóri. Þá gef­ur Árni Johnsen, fyrr­ver­andi alþingismaður, kost á sér í eitt þriggja efstu sætanna.

Unnur Brá Konráðsdóttir alþingismaður á Hvolsvelli, býður sig fram í 2. sætið og Vilhjálmur Árnason alþingismaður í það þriðja. Brynjólfur Magnússon, 28 ára lögfræðingur frá Þorlákshöfn, gefur kost á sér í 5. sæti.

Frambjóðendur í Suðurkjördæmi í stafrófsröð:

Árni Johnsen

Ásmundur Friðriksson

Bryndís Einarsdóttir

Brynjólfur Magnússon

Ísak Ernir Kristinsson

Kristján Óli Níels Sigmundsson

Oddgeir Ágúst Ottesen

Páll Magnússon

Ragnheiður Elín Árnadóttir

Unnur Brá Konráðsdóttir

Vilhjálmur Árnason