Síðdegis í gær kom upp eldur í Skipanesi, nýju flutningaskipi Smyril Line, þar sem það var statt um tuttugu sjómílur úti fyrir ströndum Taiwan.
Eldurinn kom upp í vélarrúminu en var slökktur eftir stutta stund og áhöfnin, sem telur 23 manns slapp ómeidd.
Eysturoyarportalurin greinir frá þessu.
Skipinu var snúið aftur til skipasmíðastöðvar í Kína til skoðunar en ekki er hægt að segja til um hvenær það getur siglt á ný.
„Við hörmum að nýja skipið hafi lent í þessu óhappi en jafnframt erum við fegnust því að enginn hafi slasast og að allri áhöfninni líður vel,“ segir í tilkynningu frá Smyril Line.
Skipanes er annað tveggja nýrra skipa Smyril Line og til stendur að það hefji áætlunarsiglingar til Þorlákshafnar. Lista, eitt skipa Smyril Line, kvaddi Þorlákshöfn í síðsta sinn í síðasta mánuði en skipið Lakeway Express kemur til með að brúa bilið þar til Skipanes kemst í gagnið.