Töluvert viðbragð var hjá Brunavörnum Árnessýslu klukkan 10:03 í morgun þegar boð bárust um að eldur væri í spenni í Nesjavallavirkjun.
Betur fór en á horfðist og höfðu starfsmenn Orku náttúrunnar ráðið niðurlögum eldsins áður en slökkviliðsmenn Brunavarna Árnessýslu komu á staðinn. Slökkviliðsmenn skoðuðu húsnæðið og gengu úr skugga um að ekki væri hætta á að eldurinn tæki sig upp aftur.
Tjón vegna eldsins var minniháttar miðað við aðstæður og virðist einungis spennirinn vera skemmdur eftir brunann.