Eldur í skúr á Stokkseyri

Neyðarlínan fékk tilkynningu um eld í geymsluskúr við Eyrarbraut á Stokkseyri laust fyrir klukkan átta í kvöld.

Þegar slökkviliðsmenn frá Brunavörnum Árnessýslu á Stokkseyri og Selfossi komu á vettvang var skúrinn alelda.

Slökkviliðið náði tökum á eldinum á skammri stund. Lögregla lokaði hluta Eyrarbrautar á meðan á slökkvistarfi stóð en mikill reykur barst yfir þorpið frá vettvangi brunans.

Eldsupptök eru ókunn.