Slökkviliðsmenn frá Brunavörnum Árnessýslu á Selfossi voru kallaðir út í fjórða tímanum í dag eftir að eldur kviknaði í sinu skammt frá Hallskoti, norðan við Eyrarbakkaveg.
Að sögn Lárusar Kristins Guðmundssonar, varaslökkviliðsstjóra, gekk slökkvistarf vel en um 3.000 fermetrar af sinu brunnu.
„Gróðurinn og jarðvegurinn er mjög þurr þannig að við hvetjum fólk til að fara gætilega með allan eld og neistagjafa í þessum aðstæðum,“ sagði Lárus í samtali við sunnlenska.is.
