Betur fór en á horfðist þegar eldur kviknaði í potti á eldavél í parhúsi í Birkigrund á Selfossi eftir hádegi í dag.
Húsráðendur höfðu brugðið sér af bæ en nágranni varð var við reyk og hringdi í Neyðarlínuna.
Slökkviliðið á Selfossi var fljótt á vettvang en reykkafarar fóru inn í húsið og báru út logandi pottinn.
Tjón varð því lítið innanstokks en nokkur reykur var í íbúðinni og sáu slökkviliðsmenn um að reykræsta.