Neyðarlínan fékk tilkynningu um eld í bílskúr í parhúsi við Tjaldhóla á Selfossi um klukkan hálffjögur í dag.
Eldurinn kviknaði í geymslu inn af bílskúr og varð töluvert tjón í geymslunni auk þess sem reykur barst inn í íbúðarhúsið.
Slökkviliðsmenn frá Brunavörnum Árnessýslu voru kallaðir á vettvang, ásamt lögreglu og sjúkraliði. Að sögn varðstjóra hjá BÁ gekk slökkvistarfið greiðlega.
Eldsupptök eru ókunn en lögreglan á Suðurlandi hefur málið til rannsóknar.