Slökkvilið Mýrdalshrepps var kallað út síðdegis í dag vegna sinuelds sem brann á stóru svæði á Reynisbrekku, austan við Vík í Mýrdal.
Eldurinn brann á stóru svæði í hlíðum sem eru talsvert erfiðar yfirferðar. Að öðru leiti voru aðstæður til slökkvistarfs ágætar en mikinn mannskap þurfti til að hemja eldinn, sem ógnaði ekki fólki eða mannvirkjum.
Slökkviliðið naut aðstoðar slökkviliðsmanna frá Kirkjubæjarklaustri ásamt björgunarsveitarfólki og sveitungum úr nágrenninu.
