Neyðarlínan fékk boð um eld á bílaverkstæði við Austurmörk í Hveragerði rétt fyrir klukkan fimm í dag.
Þar hafði kviknað eldur í bíl inni á verkstæðinu. Verið var að logskera bretti á bílnum þegar eldur hljóp í klæðningu. Einn var í húsinu og tókst honum að slökkva eldinn áður en slökkviliðið kom á vettvang.
Liðsmenn Brunavarna Árnessýslu í Hveragerði reykræstu húsnæðið og ekki urðu teljandi skemmdir af völdum eldsins.