Þorlákshafnarlína 1, milli Þorlákshafnar, sló út klukkan 6:56 í morgun eftir að eldingu laust niður í línuna.
Hvergi varð þó rafmagnslaust vegna þessa þar sem aðeins önnur raflínan greip eldinguna. Hins vegar gerði þruman mörgum Sunnlendingum rúmrusk en fólk vaknaði við lætin.
Í tilkynningu frá Landsneti segir að hætt sé við frekari niðurslætti eldinga eftir hádegi í dag þegar hringsnúinn bakki frá lægðinni kemur inn á Suðurland.
Mestar líkur eru á eldingaveðri á Suðurlandi, frá Hellisheiði austur undir Eyjafjöll að meðtalinni suðurbrún hálendisins á milli klukkan 14 og 19.