Ekki verkfall á Suðurlandi

Sjúkraflutningar á Suðurlandi verða með óbreyttum hætti þrátt fyrir boðaðar verkfallsaðgerðir Landssambands slökkviliðs- og sjúkraflutningamanna.

Heilbrigðisstofnun Suðurlands (HSu) annast sjúkraflutninga í Árnes-, Rangárvalla- og Vestur- Skaftafellssýslu.

Í tilkynningu á heimasíðu HSu kemur fram að boðað verkfall nær ekki til sjúkraflutninga sem HSu annast.