Ekki hætta af flúormengun

Allt útlit er fyrir að flúormengun vegna ösku úr Eyjafjallajökli sé aðeins lítilsháttar og skaðlaus bú­stofni.

Starfsmenn Búnaðarsam­bands Suðurlands eru um þessar mundir að taka sýni af svæðum þar sem öskufall og öskufjúk var mikið og hafa fylgst með áhrifum öskunnar á tún og úthaga frá því í vor.

Margrét Ingjaldsdóttir, jarðræktar­ráðunautur hjá Búnaðarsambandinu, segir í samtali við Sunnlenska að ekki sé lengur ástæða til að vakta stíft umrædd svæði, gróðursýni sem tekin hafa verið á þeim slóðum sem askan barst helst yfir benda til að flúormengun sé langt undir viðmiðunarmörkum.