Ekki gert ráð fyrir lántökum

Sveitarstjórn Flóahrepps hefur samþykkt þriggja ára fjárhags­áætlun fyrir árin 2012-2014.

Framkvæmdir og fjárfestingar eru áætlaðar 50 milljónir kr. árlega, samtals 150 milljónir kr. á tímabilinu. Ekki er gert ráð fyrir neinum lántökum á tímabilinu.

Áætlun byggir á fjárhagsáætlun 2011 og gerir ráð fyrir föstu verðlagi miðað við lok þess árs. Þó er gert ráð fyrir 2,5% verðbótum á langtímakröfur og langtíma­skuldir. Reiknað er með óbreyttum árlegum skatttekjum á tímabilinu miðað við fjárhagsáætlun 2011. Almennt er gert ráð fyrir óbreyttum rekstri málaflokka á tímabilinu.