Ekki dýpkað fram að páskum

Þrátt fyrir afleitt veður um helgina náði Skandia að dýpka lítillega í Landeyjahöfn. Spáð er umhleypingum og ölduhæð yfir tveimur metrum fram að páskum.

Framundan eru miklir umhleypingar og miðað við ölduspá verður ölduhæðin yfir 2 metra fram til 20. apríl.

Í tilkynningu frá Siglingastofnun segir að gangi sú spá eftir, þá bætist við efni í hafnarmynninu og mun því þurfa fáeina daga við góðar aðstæður til að opna höfnina eftir að veðrið hefur gengið niður.

Ekki er sett fram nein spá í tilkynningunni um hvenær líklegt sé að höfnin verði opnuð.