Ekið var á gangandi vegfaranda á Austurvegi á Selfossi nú eftir hádegi.
Maðurinn var að ganga yfir gangbraut við Bókasafn Árborgar. Tvöföld akrein er á Austurvegi, bíll hafði stoppað fyrir honum á hægri akrein en bifreið sem kom aðvífandi á vinstri akrein ók á manninn. Betur fór en á horfðist því samkvæmt upplýsingum frá lögreglu reyndust meiðsli mannsins minni en í fyrstu var talið.
Mikill umferð er í gegnum miðbæ Selfoss og urðu nokkrar tafir á umferð vegna slyssins.