Útskrift Menntaskólans að Laugarvatni verður laugardaginn 6. júní og hefst hátíðardagskrá kl. 14. Athöfnin verður haldin í íþróttahúsi Bláskógabyggðar á Laugarvatni.
Verðandi nýstúdentar eru 40 og verður dagskrá skipulögð eins hefðbundin og kostur er í ljósi stöðunnar sem þá verður, sem hátíðlegust en um leið skemmtileg, að því að segir í tilkynningu frá skólanum.
Vonast er til að fjöldatakmörkun verði breytt miðað við það sem áætlað er í dag þannig að fleiri en einn fjölskyldumeðlimur dimittenda geti komið í hús. Athöfninni verður einnig streymt á netinu.