Einn var fluttur með þyrlu Landhelgisgæslunnar á slysadeild Landspítalans í Fossvogi eftir að jeppi valt á Þingskálavegi við Svínhaga á Rangárvöllum um klukkan hálf átta í kvöld.
Ekki er vitað hversu alvarleg meiðsli hans eru. Fjórir voru í bílnum en hinir þrír sluppu með minniháttar meiðsli.
Þyrlan lenti á Landspítalanum skömmu fyrir klukkan tíu í kvöld.
Bíllinn valt á malarvegi en samkvæmt upplýsingum frá lögreglunni á Hvolsvelli stendur yfir viðgerð á veginum.