Einn var fluttur með minniháttar meiðsli á Heilbrigðisstofnun Suðurlands á Selfossi eftir þriggja bíla árekstur í Hveradalabrekkunni í morgun.
Samkvæmt upplýsingum frá lögreglunni á Suðurlandi voru samtals tólf manns í bílunum þremur. Áreksturinn hafi ekki verið harður en veginum var lokað þar sem mikið brak var á honum.
Lögreglan rannsakar tildrög slyssins en sól var lágt á lofti og líklegt að hún hafi blindað ökumenn.
Búið er að opna veginn á nýjan leik.