Einn var fluttur alvarlega slasaður á sjúkrahús eftir árekstur tveggja sendibíla í Kömbunum síðdegis í dag.
Suðurlandsvegi var lokað til vesturs á meðan viðbragðsaðilar athöfnuðu sig á vettvangi en hann hefur nú verið opnaður aftur.
Tveir aðrir voru fluttir til aðhlynningar á slysadeild. Samkvæmt upplýsingum frá lögreglunni á Suðurlandi var um aftanákeyrslu að ræða, þar sem önnur bifreiðin var kyrrstæð.
Talsverður viðbúnaður var vegna slyssins og voru tækjabílar Brunavarna Árnessýslu frá Hveragerði og Selfossi meðal annars kallaðir á vettvang.