Einn var fluttur til skoðunar á slysadeild Heilbrigðisstofnunar Suðurlands eftir árekstur tveggja bíla á mótum Rangárvallavegar og Suðurlandsvegar, austan við Hellu, á níunda tímanum í kvöld.
Veginum var lokað á meðan viðbragðsaðilar athöfnuðu sig á vettvangi en hann var opnaður aftur rúmum klukkutíma síðar.
Samkvæmt upplýsingum frá lögreglunni á Suðurlandi var um minniháttar meiðsli að ræða.