Einar Kristján Jónsson er næsti sveitarstjóri Skaftárhrepps en ráðning hans verður staðfest á fundu sveitarstjórnar næstkomandi þriðjudag.
Einar Kristján hefur verið sveitarstjóri Húnavatnshrepps síðustu átta ár, hann er reynslumikill stjórnandi og hefur mikla þekkingu á sveitarstjórnarmálum og atvinnulífinu. Einar Kristján hefur gegnt fjölmörgum trúnaðar- og félagsstörfum í gegnum tíðina.
„Ég er spenntur og er fullur tilhlökkunar að taka við starfi sveitarstjóra Skaftárhrepps og kynnast og vinna með því ágæta fólki sem þar býr. Það er mikill mannauður í sveitarfélaginu og ég sé endalaus tækifæri til þess að skapa sterka og sjálfbæra framtíð fyrir íbúa svæðisins. Ég mun gera allt sem ég get til að láta gott af mér leiða í þágu sveitarfélagsins og byggja upp enn betra samfélag til framtíðar,“ segir Einar.
Alls sóttu ellefu manns um starfið en Intellecta ráðningarstofa sá um ráðningarferlið í samráði við sveitarstjórn,