Rafmagnslaust varð í Árborg, Ölfusi og Hveragerði í morgun eftir að útsláttur varð á Hveragerðislínu 1 og Þorlákshafnarlínu 1.
Rafmagnið fór af klukkan 7:41 í morgun en var komið á aftur tæpum klukkutíma síðar.
Steinunn Þorsteinsdóttir, upplýsingafulltrúi Landsnets, segir í samtali við mbl.is að einangrari á Þorlákshafnarlínu hafi slitnað og fór í rafmagnsstaur sem kviknaði í.
Vinnuflokkur frá Landsneti er á staðnum og vinnur að viðgerð á rafmagnsstaurnum.