RVK Bruggfélag hefur tekið höndum saman með SS og þróað nýjan léttan lagerbjór sem er sérstaklega hannaður með íslensku pylsuna í huga. Niðurstaðan er Lite Pylsubjór, sem kemur á markað í sumarbyrjun.
„Íslenska pylsan hefur lengi skipað sérstakan sess í hjörtum þjóðarinnar og við erum afskaplega montin af því að vinna með þetta þjóðþekkta vörumerki og skapa eitthvað nýtt og skemmtilegt,“ segir Einar Örn Sigurdórsson, framkvæmdastjóri RVK Bruggfélags.
„Lite Pylsubjór er 4,4% vínarlager, glúteinlaus, léttur, tær og einstaklega auðdrekkanlegur. Hann er bruggaður með það að markmiði að fara vel með bragði vínarpylsunnar án þess að yfirgnæfa það. Ferskleiki og hreint eftirbragð gera hann að eðlilegum fylgifiski klassískrar pylsu. Ein með öllu fær nýja merkingu með þessu,“ bætir Einar við.