Lögreglan á Suðurlandi naut aðstoðar sérsveitar ríkislögreglustjóra og lögreglunnar á höfuðborgarsvæðinu um helgina þegar hún veitti ökumanni eftirför eftir að hann sinnti ekki stöðvunarmerkjum lögreglu.
Á meðan á eftirförinni stóð voru aðgerðir samhæfðar og studdar af Fjarskiptamiðstöð ríkislögreglustjóra.
Ökumaðurinn hafði mælst á yfir 170 km/klst hraða við akstur en lögreglunni tókst að stöðva hann við Hveragerði með því að beita naglamottu.
Ökumaður bílsins var handtekinn og vistaður í fangaklefa en hann er grunaður um ölvun við akstur og að hafa stofnað annarri umferð í hættu.