Efla hannar fráveitukerfi á Laugarvatni

(F.v.) Páll Bjarnason og Jón Skúli Indriðason frá Eflu og Bjarni D. Daníelsson, sviðsstjóri framkvæmda- og veitusviðs hjá Bláskógabyggð. Ljósmynd/Aðsend

Bláskógabyggð hefur samið við Eflu hf um hönnun og framtíðarskipulag fráveitu á Laugarvatni.

Samningurinn var gerður að undangenginni verðkönnun þar sem Efla átti lægsta boð og tekur til hönnunar fráveitukerfis og hreinistöðvar á Laugarvatni, en fráveitulagnir þar þarfnast endurnýjunar.

Áætlað er að hönnunarvinnan standi yfir í sumar og að útboðsgögn vegna 1. áfanga verkframkvæmda verði tilbúin í haust.