Eðlilegt ástand við Heklu

Ríkislögreglustjórinn í samráði við lögreglustjórann á Hvolsvelli hefur ákveðið að aflétta óvissustigi vegna Heklu. Veðurstofan hefur breytt litakóða fyrir Heklu vegna flugumferðar úr gulu stigi í grænt, sem þýðir eðlilegt ástand.

Engar breytingar hafa mælst á gasi og hita við hátind Heklu. Ennfremur hafa þenslumælingar í borholum ásamt samfelldum GPS mælingum ekki sýnt nein mælanleg merki um breytingar á jarðskorpuhreyfingum.

Smáskjálftavirknin í síðasta mánuði getur mögulega hafa orsakast af auknum þrýstingi vegna kvikusöfnunar undir Heklu. Hinsvegar bendir hvorki skjálftavirkni né aðrar mælingar síðan þá, til aukinnar virkni við Heklu og engin merki sjást um yfirvofandi gos.

Þó litakóðinn sé kominn á grænt stig er áfram vel fylgst með öllum mælum við Heklu.

Fyrri greinHamar með fínan sigur í fyrsta leik
Næsta greinRúmlega eitthundrað atkvæði komin í kassana