Drífa á Keldum ráðin sveitarstjóri

Drífa Hjartardóttir á Keldum hefur verið ráðinn sveitarstjóri Rangársþings ytra. Gengið var frá ráðningunni í morgun en þar hefur nýr meirihluti verið myndaður.

Eins og sunnlenska.is greindi frá í morgun er meirihluti Á-listans sé fallinn en Margrét Ýrr Sigurgeirsdóttir hefur myndað meirihluta með D-listanum. Sunnlenska greindi frá því í vikunni að viðræður hafi farið fram milli Margrétar og Drífu um að hún tæki að sér starf sveitarstjóra.
„Meirihlutinn varð orðinn í gærkvöldi og það var gengið frá þessu við mig kl. hálf átta í morgun,“ segir Drífa í samtali við mbl.is.
Aðspurð segir hún að verkefnið leggist vel í sig. „Ég var í sveitastjórn í Rangárvallahreppi í mörg ár áður en ég fór á Alþingi [þar sem hún sat frá 1999 til 2007]. Þannig að ég þekki þetta mjög vel, allt umhverfið hér og fólkið sem hér býr og hlakka til þess að gera góða hluti með þessu góða fólki,“ segir hún.