Strætóskýli hefur verið sett upp við Eyrarbraut á Stokkseyri en bæjarráði Árborgar barst áskorun um að setja upp skýli á Stokkseyri.
Mannvirkja- og umhverfissviði áskotnaðist skýli frá Reykjavíkurborg, sem nú er búið að lagfæra og færa í stílinn og setja upp á þeim stað sem íbúar lögðu til í gegnum „Betri Árborg“.
Strætóskýlið er staðsett við hlið húsnæði Barnaskólans á Stokkseyri, það er í gömlum stíl og hefur verið málað fallega blátt og fellur vel inn í umhverfi eldri húsa á Stokkseyri.
Strætóskýlið er liður í að efla almenningssamgöngur í Árborg en til stendur að bæta við álíka skýli á Eyrarbakka á komandi misserum.
