Dekkjaþjófnaðurinn í Bíliðjunni upplýstur

Lögreglumenn á vakt hafa upplýst þjófnað á stórum hjólbörðum sem stolið var frá Bíliðjunni í Þorlákshöfn um miðjan nóvember síðastliðinn. Verðmæti hjólbarðanna var um hálf milljón króna.

Á eftirlitsmyndavél fyrirtækisins sást til manns á bifreið en ekki sást í skráningarnúmer. Lögreglumennirnir lögðust í mikla rannsóknarvinnu sem leiddi til þess að málið upplýstist og hjólbarðarnir komnir til eiganda síns óskemmdir.

Sannast hér máltækið, sem á jafnvel vel við í Þorlákshöfn; „þeir fiska sem róa“.