Davíð Ernir Kolbeins hefur verið ráðinn í starf verkefnastjóra í markaðsteymi hjá Markaðsstofu Suðurlands. Alls sóttust 48 umsækjendur eftir starfinu.
Davíð Ernir hefur lokið gráðu í samskiptum (e. Communication studies) með áherslu á almannatengsl frá Auckland University of Technology í Nýja Sjálandi. Davíð hefur reynslu af markaðs- og samskiptamálum þar sem hann hefur starfað m.a. í samskiptadeild Knattspyrnusambands Íslands og hjá Íslandsstofu.
Davíð hefur þegar hafið störf hjá Markaðsstofunni en hann mun starfa sem verkefnastjóri í markaðsteymi, þar sem hann mun sinna kynningarmálum, samskiptum við hagsmunaaðila sem og ráðgjöf.