Hvergerðingurinn Davíð Ernir Kolbeins hefur gengið til liðs við ráðgjafafyrirtækið Athygli, þar sem hann mun leiða þróun gervigreindarlausna á sviði almannatengsla og samskipta. Hann kemur til fyrirtækisins með víðtæka reynslu af samskipta- og kynningarmálum.
Davíð hefur undanfarið starfað sem samskiptafulltrúi hjá Knattspyrnusambandi Íslands og áður sem verkefnastjóri hjá Markaðsstofu Suðurlands, þar sem hann annaðist markaðs- og kynningarmál. Davíð er með BA gráðu í samskiptum, með áherslu á almannatengsl, frá Auckland University of Technology á Nýja-Sjálandi.
„Davíð mun leiða nýtt og spennandi þjónustusvið sem við höfum verið að þróa og vinna að undanfarna mánuði sem snýr að sýnileika fyrirtækja, félagasamstaka og stofnanna í heimi gervigreindar” segir Kolbeinn Marteinsson framkvæmdastjóri Athygli.
Athygli vinnur með fyrirtækjum, félagasamtökum og stofnunum að því að tryggja góð samskipti við mikilvæga hagaðila og byggja upp vörumerki, og orðspor með skilvirkri samskiptastefnu. Félagið er samstarfsaðili ráðgjafafyrirtækisins Geelmuydeen Kiese sem er eitt stærsta fyrirtæki á sviði samskiptaráðgjafar á Norðurlöndunum.