Dagný Kapítóla Sigurðardóttir hefur verið ráðin í stöðu fjármála- og skrifstofustjóra Skaftárhrepps.
Dagný hefur starfað hjá Sveitarfélaginu Árborg í rúmlega sjö ár, fyrst sem sérfræðingur á fjármálasviði og sem deildarstjóri hagdeildar síðan 2021. Dagný hefur ágætis reynslu af stjórnun, áður en hún hóf störf hjá Árborg, starfaði hún meðal annars hjá Sparisjóði Suðurlands og Landsbanka Íslands, meðal annars sem útibússtjóri.
Í fundargerð sveitarstjórnar segir að Dagný hafi góða þekkingu á rekstri sveitarfélaga. Hún útskrifaðist sem viðskiptafræðingur frá Háskólanum á Akureyri árið 2006 og stundar nú framhaldsnám í opinberri stjórnsýslu við Háskóla Íslands.