Dagbók lögreglu: Rólegheit á rjúpunni

sunnlenska.is/Guðmundur Karl

Lögreglan á Suðurlandi kærði þrjá ökumenn í síðustu viku fyrir að nota farsíma án handfrjáls búnaðar við akstur bifreiða sinna.

Þetta kemur fram í dagbók lögreglunnar á Suðurlandi.

Þar má einnig lesa um 21 stórt ökutæki sem skoðað var í svokallaðri vegaskoðun í síðustu viku. Þær skoðanir voru nær allar athugasemdalausar en einn bíll var boðaður í skoðun vegna athugasemda sem gerðar voru í vegaskoðuninni.

Lögreglan fór einnig í eftirlitsferðir til að fylgjast með rjúpnaveiðimönnum.   Nokkur fjöldi var á ferðinni en veiði almennt dræm og lítið af fugli.