Í síðustu viku kærði lögreglan á Suðurlandi átján ökumenn fyrir hraðakstur. Flestir þeirra voru á þjóðvegi 1 í Rangárvallasýslu og V- og A-Skaftafellssýslum. Sá sem hraðast fór var á 137 km/klst hraða í Eldhrauni á ísuðum vegi.
Sama dag á sömu slóðum voru nokkrir til viðbótar kærðir fyrir að fara of hratt.
Í dagbók lögreglunnar kemur fram að lögreglan telur þetta talsvert áhyggjuefni því þarna eru í mörgum tilvikum ökumenn sem ekki hafa reynslu af akstri í snjó og hálku.
Ekki er betra þegar við bætist að ökumaður er undir áhrifum áfengis eins og sá sem var mældur á 117 km/klst hraða austan við Hvolsvöll um kvöldmatarleytið á miðvikudag.