Aðfaranótt fimmtudags var brotist inn í Bílasölu Selfoss og lykill tekinn að bifreið sem var til sölu. Bifreiðinni var skilað á sama stað aftur óskemmdri.
Í vikunni var einnig brotist inn í sumarbústað sem er skammt frá Borg í Grímsnesi og þaðan stolið uppþvottavél og örbylgjuofni.
Tilkynnt var um tólf umferðaróhöpp í sýslunni í liðinni viku ekkert þeirra þó alvarlegt.
Þrettán ökumenn voru kærðir fyrir hraðakstur, einn fyrir ölvunarakstur og einn fyrir akstur undir áhrifum fíkniefna.