Dagbók lögreglu: Þrettán umferðaróhöpp en engin slys á fólki

Í síðustu viku voru engin hegningarlagabrot á borðum lögreglunnar á Suðurlandi. Í dagbók lögreglunnar segir að þetta sé einsdæmi, og jafnframt gleðilegt.

Kona var handtekin í Hveragerði á föstudag vegna gruns um að hún hefði í vörslum sínum fíkniefni. Í veski sem hún bar fannst lítilræði af amfetamíni. Konan var látin laus að lokinni yfirheyrslu.

Þrettán umferðaróhöpp voru tilkynnt til lögreglunnar á Suðurlandi í vikunni en engin slys á fólki.

Í vikunni voru 49 ökumenn kærðir fyrir hraðakstur, þrír fyrir akstur undir áhrifum fíkniefna, einn fyrir ölvunarakstur og fimm umráðamenn ökutækja fyrir að að vanrækja vátryggingarskyldu.