D-listi sjálfstæðismanna í Rangárþingi ytra fyrir komandi sveitarstjórnarkosningar var staðfestur á fjölmennum félagsfundi á Hótel Stracta í kvöld.
Ingvar P. Guðbjörnsson núverandi oddviti listans leiðir hann áfram í næstu kosningum.
„Ég er mjög spenntur fyrir komandi kosningum og hlakka til að vinna með því frábæra fólki sem situr með mér á framboðslistanum,“ segir Ingvar.
„Listinn samanstendur af fólki með fjölbreytta reynslu og bakgrunn. Sumir hafa verið lengi í sveitarstjórnarmálum og sú reynsla mun nýtast vel. Aðrir koma nýir inn á lista, fólk með ferskar hugmyndir og reynslu úr ólíkum áttum úr atvinnulífi, menningu, listum, íþróttum og félagsstarfi. Það verður gaman að vinna málefnavinnuna sem framundan og að fá stuðningsfólk framboðsins að þeirri vinnu einnig. Það er ljóst að það eru ýmis mál sem þarf að setja fókus á í komandi kosningum og á næsta kjörtímabili þó stóra málið verði alltaf að veita góða grunnþjónustu og um leið að fara vel með skattfé almennings,“ segir Ingvar jafnframt.
Í öðru sæti er Guðmar Aubertsson dýralæknir sem kemur nýr inn á listann. Í þriðja sæti er Þröstur Sigurðsson framkvæmdastjóri og í fjórða sæti er Sóley Margeirsdóttir íþróttafræðingur og grunnskólakennari.
Framboðslisti D-lista sjálfstæðismanna í Rangárþingi ytra:
1. Ingvar P. Guðbjörnsson, upplýsingafulltrúi og sveitarstjórnarfulltrúi
2. Guðmar Aubertsson, dýralæknir
3. Þröstur Sigurðsson, framkvæmdastjóri
4. Sóley Margeirsdóttir, íþróttafræðingur og grunnskólakennari
5. Gyða Árný Helgadóttir, framkvæmdastjóri
6. Árni Kristjánsson, verkstjóri
7. Björk Grétarsdóttir, fjármálastjóri og sveitarstjórnarfulltrúi
8. Sara Bergmann Valtýsdóttir, rafvirki
9. Gústav Magnús Ásbjörnsson, verkefnastjóri
10. Laima Jakaite, tónlistarkennari
11. Finnur Egilsson, rafvirkjameistari og formaður Félags eldri borgara í Rangárvallasýslu
12. Guðrún Karlsdóttir, læknir
14. Sævar Jónsson, húsasmíðameistari
14. Eydís Þ. Indriðadóttir, grunnskólakennari og sveitarstjórnarfulltrúi